Geluk Sophia, mag jy Salig Rus.

Kersfees is verby en dis die laaste dag van die jaar.  Ek het vir die eerste keer in ‘n lang ruk gou ‘n draai op facebook gaan maak.  Vir twee redes. 

Rede no 1:

Ek is mal oor Noot vir Noot.  Ek kan verby Johan Stemmet se bont klere en Rian van Rensburg se spastiese tromspelery kyk en actually saamspeel.  Die probleem is net dat ek nooit iewers is op ‘n Vrydagaand waar ander mense dit wil kyk nie, so ek mis dit altyd, behalwe vir laasweek Vrydag.  Ek was verheug.  Johan groet die deelnemers… en daar is net iets van die een girl wat my pla.  Waar het ek haar al gesien?  Hoekom lyk sy so bekend.  Toe hoor ek haar naam en om een of ander rede maak dit sin.  Dit was Sophia van Taak.  Ek het nog net een keer van Sophia iets gelees, en dit was op Johannes de Villiers se facebook-profile.  Lyk my hy het ‘n ding vir Noot vir Noot deelnemers, of hulle vir hom.  Die foto is op sy profile van hom en Sophia, dis ‘n eks van hom:

 Die comments wat hulle twee op hierdie foto gemaak het is eintlik wat ek onthou het.  Ek wou my doodlag.  Hy’t gesê haar asem stink, sy’t gesê sy was moeg daarvoor dat hy sy My Little Pony Collection orals wou saamsleep.  Hy’t gesê sy’t as hy nie by die huis was nie die huis skoongemaak in sy ou onderbroeke.  En nou’s sy op Noot vir Noot.  Die blogosfeer is klein.  Ek hou nie van Daantjie Dinamiet nie, so toe ek sien dat daar op facebook ‘n “Move over Daantjie Dinamiet, Sophia van Taak is in town”-groep is, moes ek net join.  So gaan loer ek toe op Sophia se profile, net om te sien ons het ‘n facebook-friend in gemeen.  Sy naam is Eddie Lomas, hy was saam met my op laerskool.   Ek wonder hoe hulle mekaar ken?  Die wêreld is klein.  

Rede 2 vir my facebook-besoek:

Ek het my relationship-status na engaged verander.

HAPPY NEW YEAR!