Dankie dat jy wanneer ek siek is vir Dianay aan die slaap maak in die aand. Skipskop het nog nooit so mooi geklink soos wanneer jy dit as ‘n lullaby vir haar sing nie. Ek lief jou oneindig baie.
Amper daar
22 06 2009- Een van die dae gaan ons 5 uur in die oggend moet ry om betyds by die werk te wees. Dis darem net ‘n uur vroeër as nou, maar omtrent 150 km.
- Een van die dae gaan Dianay by haar Ouma deur die dag bly en hopelik minder siek word, en meer aandag kry.
- Een van die dae gaan my stiefdogter haar eie kamer hê as sy kom kuier en elke tweede naweek met van haar gunsteling ‘maatjies’ kan buite speel en kuier.
- Een van die dae bly ons nie meer in ‘n kompleks met bure wat kla oor onbenullighede nie.
- Een van die dae betaal ons nie meer iemand anders se verband nie.
- Een van die dae maak ons die ekstra woonstel op die erf klaar en verhuur hom uit.
- Een van die dae kan ons bou en breek en verf net soos ons wil.
- Een van die dae moet Didi meubels maak dat dit hop om so groot huis te meubileer want ons goed gaan waarskynlik net die sitkamer vol maak.
- Een van die dae gaan ons hard werk om die plek ‘n bietjie op te knap en die tuin mooi te maak.
- Een van die dae bly ons hier.
En oor ‘n bietjie langer is dit ons s’n. Ek is so dankbaar.
Comments : 8 Comments »
Kategorië : Uncategorized
Onlangse Kommentaar